Sulianik unitsitsineq

Aatsitassanik ikummatissanillu suliaqarnermi unititsinissamik piumasaqartoqaraangat, pisinnaatitaaffeqartup atortorisat piiassavai taamatullu ingerlatsivik sukuviassallugu. Naalakkersuisut piumasarisinnaavaat pisinnaatitaaffeqartoq qularnaveeqqusiissasoq.

Inatsit malillugu, suliffeqarfiit aatsitassarsiornissamik ikummatissiornissamilluunniit aallartitserusuttut sapinngisamik mingutitsinissaq annikitsuutinniassagaat taamatullu aatsitassanik ikummatissanillu mingutitsisinnaasunik suujunnaarsitsinissaq eqqumaffigissallugu. Inatsit aalajangersaavoq silap pissusia pinngortitarlu pitsaalineqassasut piumasaasut malillugit iliuuseqarnikkut.

Avatangiisit navianartorsiortinneqalissappata akisussaasoq tassani pisussaavoq pitsaaliiniassalluni aammalu Naalakkersuisut tamatuminnga ilisimatissallugit. Akisussaasoq pisussaavoq arlaatigut ajoqusiinermik pisoqarneratigut taarsiiffiginnittussaatitaassalluni.

 

Naalakkersuisut upalungaarsimanermut ataatsimiititaliamik pilersitsissapput, imaannarmi suliaqarnermi angallammik ajutoornikkut isumalioqatigiissitamik pilersitsisariaqarsinnaassallutittaaq.

 

Uuliamik aamma aatsitassanik pisuussutinik iluaquteqarneq, nunap iluaniittunik nukimmillu pissarsiamik atuineq, aatsitassarsiortoqaneratigut suliffissuarnik sanaartornertigut taamatullu tamakkuninnga ingerlatsinissamut siunnersuutinik atuutsitsisoqalersinnaavoq, avatangiisinut qanoq sunniuteqarsinnaaneranut naliliinernik uppernarsaatissaqarpat Tamatumunngalu nalunaajaat Naalakkersuisunit akuerineqarsimappat (VVM-mik taaneqartartoq).